პერსონალურ მონაცემთა დაცვის სამსახურის უფროსმა და უფროსის პირველმა მოადგილემ საქართველოს საპატრიარქოს წმიდა ანდრია პირველწოდებულის სახელობის ქართულ უნივერსიტეტში პრეზენტაცია ჩაატარეს

შეხვედრაზე საუბარი შეეხო პერსონალურ მონაცემთა დაცვის მნიშვნელობისა და მისი ინსტიტუციური ცნობადობის გაზრდას. 

ასევე, შეხვედრის მონაწილეებს ინფორმაცია მიაწოდეს სამუშაო გამოცდილების ათ წლიანი პრაქტიკის, სამსახურის მისიის, ფუნქცია-მოვალეობების, ახალი და მიმდინარე პროექტების შესახებ. ვინაიდან, უნივერსიტეტებში, კოლეჯებსა და სხვა უმაღლეს სასწავლებლებში თავს იყრის სტუდენტების, აკადემიური და ადმინისტრაციული პერსონალური მონაცემები, შეხვედრაზე განსაკუთრებული ყურადღება სწორედ ამ სისტემაში მონაცემების დაცვის მაღალი სტანდარტის დანერგვაზე გამახვილდა.

ინტერაქციული შეხვედრა შეაჯამა SANGU-ს საჯარო მმართველობის სამაგისტრო პროგრამის ხელმძღვანელმა, პროფესორმა პაატა ტურავამ. მხარეები სამომავლო თანამშრომლობაზე შეთანხმდნენ.